在澳門吃意菜 - 意．味 Trattoria Il Mulino

這次來到澳門, 剛好遇上某韓星在我們入住的酒店開show, 周圍也很熱鬧, 幸好這店有位置給我們入座.

點餐後餐包送上來了, 還是熱騰騰的, 配上蕃茄醬, 味道清新.

先點了小孩合胃口的又夠飽肚的意粉, 來了肉醬通心粉及卡邦尼意粉. 看價錢是不貴的, 所以也有預算份量不多, 果然沒錯但也比我想的要少.

雖然每人分到的不多(都留給小孩優先享用), 但味道及咬口都很好, 沒能多吃幾口真可惜.

之後是夏威夷薄餅, 香港連鎖店左右的價錢, 吃得出製作用心, 厚薄適中而且夠香脆.

再來是大人的主菜了, 海鮮拼盆. 它有份2款, 我們點了較貴有龍蝦的一款. 海鮮加上刺身, 質數不錯.

吃得不夠, 追加了一份吉列牛仔柳, 又是外層脆脆的, 再加上芝士配親,也算好吃.

在酒店內的餐廳用膳品質多數都很穩陣, 只是有時價錢真的會很貴. 不過今次這間是合理的.

爸媽的健康

8月下旬, 爸接受了大腸腫瘤切除手術, 日漸康復之時, 9月下旬便到媽切除乳房內的硬塊.
爸被切除的組織化驗出來結果沒大礙, 只需定期回去覆診便是了. 而媽因指數差一點, 私家醫生說可以不用化療, 但公立的腫瘤科說最好是接受化療.
在2個多星期的考慮期過後, 最終接受了化療, 暫時才第一針, 希望往後的日子一切順利.

接受了化療的這段日子, 大家都付出多一點去照顧媽媽, 把家中各樣都得打理好. 雖然辛苦但只希望家人健康!

高質Pizza - The Point

將軍澳中心已經裝修好一段日子了, 已經有大半年無去. 尼次知道有新食肆開就去試下.

成本menu睇落都好多野食, 尤其主打既pizza特別多, 連甜品既賣相都係pizza黎

正因為pizza繁多, 幾百元的龍蝦pizza都有! 但我地當中有人要戒海鮮, 所以我地無點. 而我地點左2款都是香脆美味, 1款較合小孩而另1款大人們都讚不絕口的.

喜歡那件巴瑪火腿被卷成花, 配上烤過的半片菠蘿, 一鹹一甜構成絕配的味道, 火箭菜增添了清新感!

另一個芝士味十足, 平實而且很合是小孩的口味

白酒煮蜆意粉帶微辣, 味道極好可惜份量太少太少

棒棒雞鎚 ，很惹味又夠熱夠脆, 點埋醬汁食仲好味

肉醬意粉, 味道不錯而且意粉彈牙, 不過醬汁比較稀

野菌意粉, 很creamy, 是我喜歡的味道, 香濃柔滑

羊架, 羶味令我不太吃羊, 但這個試了一口還是可接受的, 愛羊的卻說很美味.

唔知係米無點飲品及甜品, 回家後感口渴呢.

泰滿足的午餐

上班日的午餐, 四人一同去食泰菜, 我對上一次食係為部門同事farewell, 印象中食物也美味.今次特意只約幾位好同事, 4人同行慢慢品嚐.

每人都各有喜好, 好快落到單!

豬頸肉沙律, 對我來說, 配菜才是主角! 豬頸肉好香, 沙律汁酸甜度剛好, 開胃得很!

牛肉炒飯
炒得比較濕, 雖然味道OK, 下次可以不再吃.

炒貴刁
這個炒得比較好, 似豆干的東西帶點甜亦很香豆味, 好正!

紅咖哩牛肉 (追加白飯)
店員話唔辣, 要就下各人口味就試尼個, 都幾香, 忍唔住又叫左個白飯黎送. 結果個盆白飯4個人一人分左一碗都仲有.

串燒豬肉
味道都唔錯, 不過"豬頸肉在前"有點比下去既感覺, 肉質無豬頸肉咁滑.

炸蝦餅, 熬辣辣上枱,小心燙到. 味道不錯, 可以更彈牙!

慶生晚餐@ 漁之部屋

生日那天是平日, 放工後趕回將軍澳跟老公及2小孩去吃放題!

細囝未夠高度所以免費, 而且很貼心的有小童餐具, 值得一讚.

3人收費, 坐下不久便送上了飽魚及三文魚刺身, 原來係提早訂位先有! 順帶一題, 當日有對情侶walk-in, 搞左好耐先有位坐. 建議大家先訂坐.

可以點既野唔少, 好開心, 其實當中有唔少我都唔記得影, 因為掛住食同照顧小朋友.

大朋友至愛,刺身一盤, 新鮮得很.

小朋友最愛, 牛油粟米, 真係又甜又香. 壽司又係啱晒小孩

燒蝦燒青魚, 牛舌都好好味

蜆都有2款, 有辣有唔辣, 辣個碗我一個人吃下全部!

(忘記影的)手卷用雪糕筒又幾有趣, 天婦羅水準之作!

食食下燈光轉暗, 生日音樂響起, DISCO燈開始轉動. 原來隔鄰的枱有人生日, 專人托出了迷你生日蛋糕.後來我們也跟店員要了個迷你生日蛋糕, 很開心呢~

抵食團購餐@盈翠軒

友人又找來了以8道菜花膠盛宴作賣點的團購餐, 星期六晚上去試了.

地點在中港城上的辦公室平台, 雖我未曾去過但亦不算難找. 環境清幽, 加上坐下來時客人不多, 吃得很舒服.


八道菜如下

花膠麒麟蒸班球, 味道算清配上露筍,小花膠及冬茹, 清新之選!

竹笙雞皇翅, 味道較濃, 很合我胃口

百花炸釀鮮冬菇, 這個吃下感覺輕型, 不怕炸的口味

日式芥香和牛粒, 野味得很, 味道較咸, 如送白飯才剛好.

竹笙魚湯浸時蔬, 看上去以為會淡而無味, 實際是夠味亦帶有點點鮮的.

原籠蒜香帶子蒸飯, 此飯又是要大口大口的吃, 推介!

杞子桂花糕, 造型有點樣一柱擎天, 吃落甜度不高, 如多些桂花更好.

班蘭馬拉糕, 吃不到班蘭味, 不過亦不失為好吃的馬拉糕

這餐以約百多元一位埋單, 非常抵食.

九月了! 一個 K1加一個 P1的開學日.

九月初真的忙透了!

為大少準備升小已經在六月開始, 參加小學舉辦的銜接課程, 銜小畢業禮, 買書買校服買書包買鞋...... 

忙不是為他準備之上種種, 而是忙著適應升小後的日常生活時間表,  適應新校的人事及作風, 如何配合學校的教育方向. 何況二少也剛好入讀K1 (非哥哥那間), 亦同時要適應幼稚園的各樣.

話說回來, 九月一日當天算時順順利利,  兩公婆兵分兩路, 一人帶一個. 爸爸特意放假帶大少上學, 被形容過程"輕鬆, 愉快", 而二少亦有少許進步, 能主動跟我說bye bye.

小孩適應得算是不錯了, 我仍在努力地趕schedule, 回家飯後那一個小時左右是多元活動的黃金時段.看功課 溫習, 執書包, 玩玩遊戲都在這時段發生. 只希望往後功課量多及要默書考試時仍可順順利利! 

另外, 不得不提是科技發達亦為我帶來好處, 通告可在我的午餐時段內收到及用apps/網頁去簽署, 不用逼在晚上小孩睡了才來做. Whatsapp Group也是很好的渠道來了解校園的各種.