抵食及滿足@隆記茶室

兩口子在北角晚餐, 來到了和富道的隆記茶室, 只因那天晚上在附近完成工作後想吃扒.
近年和富道的店也變了不少, 有的只是搬了位置, 有的已是不見影了. 這間隆記茶室也不知是何時在這裡開店的.

約7:30到達, 剛好有卡位, 看了那本menu真的很吸引. 我會以"精美有創意的茶記食品"來形容他們的食物.
賣相很美, 比茶餐廳的食物花巧及水準要高, 亦有西餐廳般的食物供應, 價格側只比茶餐廳高少許.

餐湯及餐包在點餐後不久便送來. 由於太餓了, 吃了大半才想起要拍照. 麵包很熱, 應是用微波爐叮熱的, 包身比較硬. 餐湯夠濃及厚, 味道不錯.

再隔5-10分鐘左右, 主菜來了. 我點的是10 Oz 西冷牛扒, 7成熟. 可選擇上枱才淋汁的, 我點的是黑椒汁, 味道很濃, 正合我意, 鹹度如可輕微減少許就更完美了. 薯餅很脆, 放在配菜上不易被醬汁浸到, 蕃茄去了皮, 吃起來更方便!

老公的是羊架, 來時才知是配飯呢! 飯面還用心的放了些栗米及芝士, 值得加分. 汁醬是另上的.

飲品及甜品我們也沒加錢轉特別的, 只點了凍檸水及啫喱. 不過見鄰桌點了紅豆冰真的很大杯, 相信2人分享一點也不過份, 下次要點個來試試!

沾麵初體驗@大勝軒

尼間大勝軒係公司附近新開張唔係好耐, 聽聞大家都因為拖羅叉燒沾麵而來. 店內本來座位就不算多, 約20個, 所以日日都有長人龍, 繁忙時間要人齊先可入座! 數星期前某天放工後去睇"寒戰II", 於是叫老公6點鐘企定定等我一收工即入去食.

沾麵我真係第一次食, 根本唔識點食, 只見附近幾張枱都有張小貼士卡, 但就係我坐果張無, 於是點餐後叫店員俾左張我地.又好在我手多多拍底左, 因為店員隔左一陣就要拎返張卡喇. 如果唔係我食既時候又唔記得係點食法.

食物選擇都不少, 其實門外已經圖文並荗列出左主要既麵食 (仲有D小食及飯類), 所以店內的點菜紙並無圖的, 大家可以先在門外好賣相才進內, 當然亦可要求店員提供有圖餐牌.

我點左個魚介沾麵來試, 另上的一碗濃湯味道真不錯, 濃而不膩. 好快就吃光那碗麵了. 之後便要求店員為我加入木魚湯再飲, 真係有另一種滋味, 好清香! 可惜我已經好飽, 飲唔晒碗湯.
老公點特制拉麵(普通), 份量都算大碗. 如果是大胃王更可點增量, 唔洗加錢架.

以初試沾麵黎講都好滿意其麵質及味道, 不過拉麵只算是不過不失, 可能因為無咩大驚喜. 或者因為太記掛早前係大阪食過既拉麵啦!!!